Sane Ngranaang iraga Baat Idup di gumine? Punika wantah Utang / Rna. Iraga idup ka Marcapada sampun polih Rna, irage ten nyidayang makelid ring Rna Punika. Napi sane ngawinang? Krana Rna punika wantah tuntutan Dharma. Mirib ento ane kabaos “Hukum Alam” ( Hubungan Sebab Akibat ). Dados manusa ring marcapada polih utang sane ketah kabaos Tri Rna ( tiga hutang yang harus di bayar ). Utang-utang punika nenten prasida kakelidin sawireh Utang / Rna punika hasil Karma iraga dados manusa. Karma-karma punika sane nuntun iraga ka marcapada, karma dados manusa tusing dadi baang anak len, tusing masih dadi pejang mailehan, ia sampun leket ring dewek I manusa. Ring Agama Hindu Bali Tri Rna punika kakepah dados telung soroh : 1. Dewa Rna :inggih punika utang I manusa ring Ida Sang Hyang Widhi Wasa pinaka panginter jagat, sawireh sampun kaicen Atman miwah Alam Bhuana / jagat raya puniki sane kaanggen wadah anggen nebus Rna punika. 2. Pitra Rna : Utang I Manusa ring Pitra Utawi leluhur sane sampun ngamargiang tresna ipun. 3. Rsi Rna : Utang I Manusa ring Maha Rsi / guru sane sampun ngicenin paplajahan utawi tetuek.

Nika mawinan iraga idup di gumine mangda setata malaksana Dharma, Dharma punika sane ngaenang iraga prasida lempas antuk Rna lan Phunarbawa / kelahiran berulang-ulang.